سیہون شریف حادثے میں 22 افراد جاں بحق،

  پورا خاندان کس چیز کی خوشی میں سیہون شریف زیارت کیلئے جارہا تھا ؟ افسوسناک خبر

سیہون (احرارآن لائن )گزشتہ رات سیہون کے قریب ایک خوفناک حادثہ پیش آیا جس میں اب تک 22 افراد جاں بحق ہو گئے ہیں ، جن میں ایک ہی خاندان کے 7 افراد بھی شامل ہیں ۔

تفصیلات کے مطابق حادثے میں جاں بحق ہونے والوں میں چار بہنیں ، ایک بھائی، والد اور والدہ شامل ہیں جبکہ اسی خاندان کی زندہ بچ جانے والی دو بہنیں شدید زخمی ہیں جنہیں علاج معالجے کی سہولیات فراہم کی جارہی ہیں ۔بدقسمت خاندان میں سات بیٹیوں کے بعد پہلے بیٹے کی پیدائش ہوئی تھی جس کی خوشی میں  خاندان زیارت کیلئے سیہون شریف جا رہا تھا ۔

خیرپور کے شاہنواز پہلپوٹو کے گھر میں7 بیٹیوں کے بعد بیٹا پیدا ہوا تھا ،اسی بیٹے کی پیدائش کی خوشی میں شاھنواز پہلپوٹو اپنی فیملی اور رشتہ داروں کے ہمراہ زیارت کےلئے سیہون شریف جا رہے تھے ،حادثے میں شاھنواز پہلپوٹو کے پیدا ہونے والے بیٹے اور4 بیٹیوں سمیت22 افراد اجل کا شکار بن گئے۔ بدنصیب فیملی کی خوشیاں ماتم میں تبدیل ہوگئی ،خیرپور کے داود گوٹھ میں ہر طرف قیامت کے مناظر ہیں ، لوگ انتہائی افسردگی کاشکار ہے اور ہر آنکھ اشکبار ہے۔